轉載

4rphotoclub

今日返工又發生一件趣事
話說
有一個裝修單位今日清犁頭
佢哋好自覺做防護措施
點知有一位
前業位成員
佢竟然要求我同裝修師傅講
叫佢哋鋪兩層
我聽完之後即刻同佢講冇問題
轉頭見到師傅即刻同佢講
最後我搵師傅夾口供
我首先表示我嘅難處
有人向我提出咁嘅要求
我想先聽聽你嘅回應
我做咗保安25年
未見過有師傅鋪兩場
聽都未聽過
最後嘅結論
嗰位住客再嚟搵我嘅時候
我同佢講同師傅講咗
師傅同佢判頭傾完
判頭表示
黐兩層唔一定係好嘅
亦有可能會有反效果出現
人哋發明得呢樣嘢出嚟
梗係有佢嘅設計原因同理由
道理好簡單
你手機防花貼同埋保護殼
你都唔會Double
又係一個認知障礙
有啲人真係叻唔切
我都好怕招呼呢啲麻煩人
你又唔可以鬧佢
又驚解釋俾佢聽嘅時候
比佢覺得你喺度侮辱緊佢智商
總之都係煩

4rphotoclub

尋日嗰個六座個女人
我見到佢有好多問題
不過我都係選擇唔出聲
因為佢認知同三觀有問題
另外我嘅身份
我都唔方便去糾正佢
到你同我上次講嗰個
騙子騙傻子嘅故事一樣
無論邊個出聲
都會變醜人
我見到佢好多問題
由朝食到晚
仲要帶埋煮食爐具返工
我見到6座隻門
由朝開到晚
佢喺裏面唔係耷低頭食嘢
就係耷低頭玩手機
仲要開到最大聲
佢真係當左係自己屋企
我都費事話佢
唔通佢唔知道自己咁樣有問題
呢啲人都係等天收
我真係未見過個保安
做到佢咁樣
我都相當佩服佢
可以捱到咁耐

4rphotoclub

另外講返琴日嗰件事
佢好正常地用咗10分鐘巡樓
跟住同我講話去廁所
佢應該係攞咗啲碗碗碟碟
匿埋喺廁所洗碗
玩咗半個鐘頭都唔捨得返嚟
搞到我要call機叫佢返返嚟
規矩係
佢巡完樓
俾少少時間佢去洗手間
每個地方形式都唔同
佢有本事10分鐘巡完樓
一般人去廁所都係10至15分鐘
佢去咗半個鐘頭都返唔到嚟
我接受唔到囉
佢就係匿埋喺廁所洗碗
成村人喺廁所門口拍佢門
嗰個洗手間10幾個人用
包括一及二期嘅保安
同埋一及二期嘅清潔及花王
佢已經衰到出晒名
琴日佢返嚟
我係想同佢講唔好咁過分
佢就即刻調返轉
理直氣壯
仲調返轉話我小氣
話我蝦佢
佢都算經典

4rphotoclub

呢個女人由朝到晚搵人笨
朝頭早除咗搵四期外圍嗰個
仲叫清潔幫佢睇住
仲試過叫對面七座睇住
拎住兩個5公升水樽
一個水桶
仲有各式各樣嘅日用品
喺一期花槽嗰度
搞一大輪
佢仲忙過嗰啲清潔工人
我試過坐三座
由朝到晚都見到佢喺出邊
不過都係嗰句
佢搵其他人笨
我唔理
有好幾個都唔出聲
但係佢咁過分
踩到我條底線
我就唔會姑息
佢無時無刻都諗啲古靈精怪嘢
前幾日古sir放假
佢話要早走半個鐘頭
叫我頂住
叫阿京幫佢打卡
如果係其他人我或者會相信
但係呢個女人
肯定就係搵笨

4rphotoclub

做人一定要識得保護自己
有好多無良公司
佢哋有啲無良制度
我都試過中伏
尤其是一啲長工
辭職都要一個月通知
俾佢虐待一個月
返工
最基本係固定地方固定時間
我試過有一個地方
佢因為請唔到夜班
跟住佢出茅招
話會叫入班落夜幫手
會輪流落
點知出嚟嘅效果
我變咗夜班
做咗成三個月夜
跟住做返日班
轉個頭又係我
跟住我辭職
請病假
請病假有兩個絕招
第一係腰骨痛
第二係失眠
正所謂你不仁
我不義
我出發點唔係要呃人
係要保護我自己
另外有好多公司都有啲過分要求
總之見唔對路
請病假
情況危急
可以即刻call白車收工
記住如果人哋唔人道對你
你唔需要同佢客氣

4rphotoclub

睇見你份嘢
我就覺得你嗰間係無良公司
做人但求三餐一宿
返工都係搵錢啫
打份工嘅工
搞到好似賣豬仔咁
你公司都唔係想請一個員工
係想請一個廉價奴隸
返工返到地點亂晒籠
時間亂晒籠
強迫員工OT
打份工啫
做人真係要有認知
唔可以姑息呢啲無良公司
叫佢老竇老母落嚟做
反正佢都係無良
無良公司
聘請無良員工
做無良生意

4rphotoclub

我經常講
做人唔好經常用牛力
用工具用方法用技巧
工具包括人
方法包括心理戰術
技巧就係你嘅說話能力
做人都係同人哋相處
呢個世界只有兩種人
一種係搵人笨
另外一種係俾人搵笨
做人最高境界嘅係
明明係搵人笨
但係塑造一個效果
我喺度比着數你
好簡單舉一個例
惠康超級市場成日話幫你慳
其實根本就搵你笨
做生意
我同我老細都係30%利潤
呢個係合理利潤
但係惠康夠膽死
100去到200%利潤都夠膽死
舉一個實例
我見到出邊雀巢咖啡最平$23蚊6罐裝
換句話講
23 蚊已經賺咗你錢
佢點解夠膽死賣到$60
特價都要$35
所以我哋買嘢要知價

4rphotoclub

其實我哋日常生活中
好多嘢都係假嘅
例如鑽石
根本就係一個騙局
電子產品包括電話
樓價
保險
銀行
全部都係陷阱
好多唔值錢嘅嘢
都俾人塑造一個假象

4rphotoclub

我一聽見話做特價我就即刻行開
嗰啲限時優惠仲得人驚
呢啲其實全部都係心理戰術
唔俾機會你思考
搞到好似好大優惠
機會難逢咁樣
不過依家呢兩招都對付唔到我
因為我已經上咗太多檔

4rphotoclub

其實我都學到嘢
我依家都運用緊呢啲招數對付緊身邊嘅人
第一個目標就係我個仔
佢學人染頭髮
留長頭髮
最離譜係留埋指甲
首先我要聯合一班人
話俾佢聽以上行為
第一係唔正常
第二係好核突
你要吸引人注意
都唔好用啲咁核突嘅方法
正所謂你要出名
你都唔好喺尖沙咀海旁裸跑
我哋都想佢搞番好個頭
但係對佢嚟講好似係求佢咁樣
所以我哋要用啲方法
要令到佢有一個錯覺
就係有着數
同佢講
我見同你咁熟
我都想你靚仔
唔好失禮我
我請你食嘢出埋錢
我哋一齊上網睇吓有冇啲時尚嘅髮型
當然要適合你
同你搞番好個look
限時優惠
過咗今日就冇啦