轉載

4rphotoclub

今日返工又發生一件趣事
話說
有一個裝修單位今日清犁頭
佢哋好自覺做防護措施
點知有一位
前業位成員
佢竟然要求我同裝修師傅講
叫佢哋鋪兩層
我聽完之後即刻同佢講冇問題
轉頭見到師傅即刻同佢講
最後我搵師傅夾口供
我首先表示我嘅難處
有人向我提出咁嘅要求
我想先聽聽你嘅回應
我做咗保安25年
未見過有師傅鋪兩場
聽都未聽過
最後嘅結論
嗰位住客再嚟搵我嘅時候
我同佢講同師傅講咗
師傅同佢判頭傾完
判頭表示
黐兩層唔一定係好嘅
亦有可能會有反效果出現
人哋發明得呢樣嘢出嚟
梗係有佢嘅設計原因同理由
道理好簡單
你手機防花貼同埋保護殼
你都唔會Double
又係一個認知障礙
有啲人真係叻唔切
我都好怕招呼呢啲麻煩人
你又唔可以鬧佢
又驚解釋俾佢聽嘅時候
比佢覺得你喺度侮辱緊佢智商
總之都係煩

4rphotoclub

今日返工
食咗幾隻死貓
呢度所有大小事務
都要請示業委主席陳小姐
仲要用佢嘅
唔合情
唔合理
唔合法
嘅方法去進行
召喚棄置垃圾
兩個紙箱仔
搞到要好似凶殺案咁樣去查
另外人哋送貨
租戶叫送貨佬擠喺門口
佢夠膽移走人哋啲嘢
我有提醒過佢
我哋必須要跟程序
如果人哋報警搞大件事
可能會好大鑊
管業處喺業委面前
必須要企硬
我哋用返我哋嘅工作指引
冇可能用佢哋嘅方法
到時出咗咩問題
佢一定唔會承擔
最終背上罪名嘅係我哋
如果大家有睇謝霆鋒嘅怒火
你就會知道我喺度講緊乜嘢
做事必須合情合理合法
跟返工作指引
今日已經做到亂晒籠
簡單事情複雜化

4rphotoclub

唔怕神一般的對手
最怕豬一般的隊友
我今日返工呢度冷氣機維修
擺咗幾部冷水吹風機
定時定候要入水
呢度有三隻小豬
佢教我攞個水樽去入水
我計過條數
需要來回15次
呢啲環境梗係搵個水桶
一桶搞掂
我成日都講
做任何事
用工具用方法用技巧
好似二次大戰打日本仔
掟兩個原子彈搞掂
俾支AK 47你
即係叫你去送死

4rphotoclub

告訴大家一個社會真相
好多上一輩嘅人都接受唔到下一輩
呢個係年代變遷
文化唔同咗
可以講係文化咗
上一代都係用打同鬧嘅形式
但係根據返香港法例
你打乜嘢人都係犯法
包括老婆仔女
打人係一個傷害性嘅行為
甚至乎老師都係用打
古代人淨係識用打壓
所以久唔久就會有人推翻
講返正題
出嚟做嘢
好多未受過教育嘅人
佢哋連最簡單嘅尊重都唔識
你唔尊重下屬
下屬一樣可以俾面你
所以話點解
90後嗰啲人
唔食你呢一套
郁啲就同你反面
我唔係話企喺邊一邊
人必須得到基本嘅尊重
返工只不過係搵錢
以前啲人可以為咗份工冇晒尊嚴
依家冇呢支歌仔唱
除非係嗰個人本身問題
冇咗份工會餓死
否則佢有權選擇
唔同人有唔同嘅認知同三觀
我講嘅嘢可能好多人都唔明或者唔接受
但係依家嘅社會同世界就係咁樣
呢個係和平同共融嘅社會
欺壓政策已經過時
我就唔食呢一套

4rphotoclub

琴日返嗰個地方
元氣大傷
據聞嗰度有個大魔女
琴日雖然唔見佢
不過亦因為佢
令到我琴日做多咗唔少嘢
佢太認真太執着
樣樣嘢都要跟足規矩
呢個世界唔怕官
最怕管
管人同埋被管
其實都係好痛苦
琴日我喺牆上面見到一張紙
嗰個地方
每日會出現四個保安
朝頭早八點
朝頭早10點
晏晝一點
夜晚八點
琴日我一個人做三個人嘢
如果計返條數
嗰個地方起碼要養七個保安
四個開工
三個頂放假
不過佢長工得返兩個
一個放緊病假
另外一個放例假
所以琴日係冧晒檔
呢幾日都係搵外援頂住
呢個地方充滿問題
不過最大嘅問題就係
喺嗰度嘅員工
大家係零交流
我最近聽過一句說話
廣結善緣
簡單啲解釋
多個朋友好過多個敵人
但係嗰度就係一個互相仇殺嘅地方
如果你返工嘅地方
冇一個可以傾訴嘅對象
每日諗住點樣害人
點樣保護自己
喺啲咁嘅地方工作
好容易患上抑鬱症
我其實都發現咗一樣嘢
香港依家周圍都缺人
行行都缺人
究竟問題出現喺邊度呢？
呢個世界就係弱肉強食
所謂嘅食物鏈
或者一副鬥獸棋

4rphotoclub

我尋晚嘅表現
可能得罪咗好多人
可能我嘅演繹方式有問題
其實我好明白你哋社工嘅運作
就係怕得罪人
因為每個人的認知同三觀都唔同
佢哋接受能力嘅程度都唔同
所以你哋多數都係選擇
聽佢哋講嘢
然之後表示深感同情
你哋唔敢用一啲
正面嘅意見
因為佢哋就係唔接受
如果刺激到佢哋
或者佢哋嘅認知同三觀接受唔到
可能會好大反應
我睇咗抖音同小紅書
結論係
做人應該做好自己
多啲關心自己
人生好短暫
分分鐘隨時走
做人應該做自己鍾意做
想做
去想見嘅人
琴日嗰度有幾個同學
佢哋做緊嘅嘢
就係浪費自己嘅人生
去干預別人嘅人生
呢個世界
除咗自己
所有人都係過客
包括父母兄弟姊妹夫婦兒女
所有關係都係過客
因為唔會有一個人一出世就陪住你去到最後嗰一日
好多人都唔明人生同埋愛情親情友情嘅定義
人生就係一個過程
所有嘢都係一個體驗
做人但求三餐一宿
其他嘢都係過度嘅慾望
我見身邊好多人
都係浪費自己嘅人生
去干預別人嘅人生
呢個都係天性
其實我寫呢篇嘢
某程度上都有呢一種成份
企圖想改變人哋
其實我應該轉一種表達方式
唔應該去教訓佢哋
應該同佢哋講
我做到呢樣嘢之後
少咗好多煩惱
開心咗好多
最近睇咗一套戲
不日成婚
佢有第一同第二套
裏面其中一句對白
人生好苦短
你媽咪生你出嚟係要你開心
唔係要你去令別人開心
多啲關心自己
做自己想要做嘅事
見想見嘅人
你自己都唔開心
點樣去令人哋開心
其實所有嘢都好簡單
唔好有過多嘅慾望
唔好去干預別人
做返好自己就得啦
改變自己是神
改變別人是神經病
有咩寄望都係寄望自己身上
你自己都讀唔到大學
你寄望啲仔女讀大學
你可以鼓勵提醒同支持
唔係叫你唔好理佢
物極必反
過多嘅期望
對大家都造成壓力
可能仲係承受唔到嘅壓力
最終釀成悲劇
現實生活中經常發生
電影電視劇都成日做
其實人生電影電視劇
都係差唔多
好多電影橋段
都係現實生活中遇到嘅問題演繹出嚟

4rphotoclub

其實我都學到嘢
我依家都運用緊呢啲招數對付緊身邊嘅人
第一個目標就係我個仔
佢學人染頭髮
留長頭髮
最離譜係留埋指甲
首先我要聯合一班人
話俾佢聽以上行為
第一係唔正常
第二係好核突
你要吸引人注意
都唔好用啲咁核突嘅方法
正所謂你要出名
你都唔好喺尖沙咀海旁裸跑
我哋都想佢搞番好個頭
但係對佢嚟講好似係求佢咁樣
所以我哋要用啲方法
要令到佢有一個錯覺
就係有着數
同佢講
我見同你咁熟
我都想你靚仔
唔好失禮我
我請你食嘢出埋錢
我哋一齊上網睇吓有冇啲時尚嘅髮型
當然要適合你
同你搞番好個look
限時優惠
過咗今日就冇啦

4rphotoclub

我一聽見話做特價我就即刻行開
嗰啲限時優惠仲得人驚
呢啲其實全部都係心理戰術
唔俾機會你思考
搞到好似好大優惠
機會難逢咁樣
不過依家呢兩招都對付唔到我
因為我已經上咗太多檔

4rphotoclub

其實我哋日常生活中
好多嘢都係假嘅
例如鑽石
根本就係一個騙局
電子產品包括電話
樓價
保險
銀行
全部都係陷阱
好多唔值錢嘅嘢
都俾人塑造一個假象

4rphotoclub

我經常講
做人唔好經常用牛力
用工具用方法用技巧
工具包括人
方法包括心理戰術
技巧就係你嘅說話能力
做人都係同人哋相處
呢個世界只有兩種人
一種係搵人笨
另外一種係俾人搵笨
做人最高境界嘅係
明明係搵人笨
但係塑造一個效果
我喺度比着數你
好簡單舉一個例
惠康超級市場成日話幫你慳
其實根本就搵你笨
做生意
我同我老細都係30%利潤
呢個係合理利潤
但係惠康夠膽死
100去到200%利潤都夠膽死
舉一個實例
我見到出邊雀巢咖啡最平$23蚊6罐裝
換句話講
23 蚊已經賺咗你錢
佢點解夠膽死賣到$60
特價都要$35
所以我哋買嘢要知價